Навіны

Доктар Аляксандр Лобан: “Букет кветак для Наталлі Ларыёнавай. Але пасля эпідэміі.”

З усіх шматлікіх падзеяў апошніх дзён адна займае асаблівае мейсца. Гэта невялічкі - усяго некалькі радкоў - але вельмі важны для ўсіх нас пост у “Вконтакте” віцебскага доктара Наталлі Ларыёнавай. Яна гэтымі некалькімі радкамі прабіла сцяну маўчання вакол сітуацыі з каронавірусам ў Віцебску. Наталля паказала ўсім нам, што чалавек можа і павінен паводзіць сябе сумленна і годна. І я спадзяюся, што нас - тых, для каго сумленне важнейшае за страх - будзе с кожным днем усё больш.

Бо, як пісала наша славутая паэтка Ларыса Геніюш:

Ліхой хлусьні бязьсільны крык варожы,

Да дзён прыгону страшны паварот.

А праўда ўсё ж жыве і пераможа!

Мы вам ня слугаў племя - мы народ!

Я ж са свайго боку абяцаю пасля сканчэння эпідэміі асабіста прыехаць у Віцебск, каб уручыць Наталлі букет прыгожых кветак. Спадзяюся, яна іх прыме. Дзякуй, Наталля!

Аляксандр Лобан

02.04.2020

Архіў

Чэрвень 2020
1234567
891011121314
15161718192021
22232425262728
2930

Відэа

праваабарончыя сайты