Навіны

У таямніцы ад беларускага народа ідзе здача Беларусі

Пра гэта ў заяве паведамілі сябры Рады Беларускага Нацыянальнага Кангрэса, пасяджэнне якой адбылося ў Менску ў суботу, 3 жніўня.

Рада БНК прыняла заяву.

Заява Рады БНК

Паразітарная дыктатура, пабудаваная Лукашэнкам, губляе свой падмурак. Крэмль згортвае датацыі менскаму рэжыму і патрабуе здачы суверэнітэту для іх захавання.

Лукашэнка пакуль спрабуе ўпірацца. Але ён згубіў падтрымку народа і панічна баіцца рэформ. А без расейскіх грошай нерэфармаваную беларускую эканоміку чакае непазбежны крах. Лёс “суверэннай” дыктатуры прадвызначаны. Перамены непазбежныя. У таямніцы ад народа ўжо ідуць інтэнсіўныя перамовы аб умовах здачы Беларусі.

Перад намі два шляхі. Альбо дазволіць дыктатару прадаць нашу краіну. Альбо вызваліць яе і пабудаваць новую паспяховую Беларусь.

Беларускі Нацыянальны Кангрэс выкарыстае ўсе мажлівасці для абароны незалежнасці і мірных перамен. У тым ліку мы скарыстаемся дзеля іх працэдурамі “выбарчых” кампаній рэжыма.

Уладу – народу! Жыве Беларусь!

Беларускае Радыё Рацыя, Менск

Чытай больш на: https://www.racyja.com/palityka/u-tayamnitsy-ad-belaruskaga-naroda-idze/

04.08.2019
Крыніца: Беларускае Радыё Рацыя

Відэа

праваабарончыя сайты