Навіны

„Беларускамоўныя ў Гародні”

„Беларускамоўныя ў Гародні” – культурнае мерапрыемства, якое зладзіла ў горадзе над Нёманам менская „Арт Сядзіба”. Галоўная задачай імпрэзы – далучыць гарадзенцаў да кампаніі ў падтрымку беларускай мовы падчас перапісу насельніцтва, які пройдзе сёлета.

Кажа кіраўнік „Арт Сядзібы” Алесь Снег:

– Калі мы запрашаем на сцэну па два героі, якія карыстаюцца беларускай мовай, распавядаюць пра стэрэатыпы, пра плюсы і мінусы, натхняюць людзей, якія прыходзяць слухаць. Матывацыя ў нас была, запачаткаваць гэты праект, бо ў 2019 годзе перапіс насельніцтва. Там два пытанні, якія датычаць роднай мовы, а другое, якой мовай вы карыстаецеся. Мы заклікаем пазначаць беларускую мову, нягледзячы на тое, што пытанне ў перапісе даволі заблытанае – гэта родная мова, а дужках – мова першая засвоеная ў дзяцінстве.

Сустрэча ў „Цэнтры гарадскога жыцця” сабрала самых розных людзей – тых, хто ўвесь час размаўляе па-беларуску, а таксама тых, хто толькі спрабуе. Кажа вядучая курсаў „Мова Нанова Гародня” Эмілія Комар:

– Варта разумець, што людзі раслі ў розных умовах, па-рознаму выхоўваліся – камусьці прасцей, камусьці цяжэй. Напрыклад, я з вёскі, у вёсцы канешне не літаратурная беларуская мова, такая можа быць трасянка, таму мне прасцей, бо ў мяне ёсць гэтая база. У кагосьці цалкам расейскамоўнае асяроддзе, можа так склалася, што настаўніца кепска выкладала беларускую мову, у многіх траўма засталася. Іх шлях будзе трохі цяжэйшым, мне здаецца заўсёды варта падтрымліваць людзей.

Падобныя сустрэчы ў падтрымку кампаніі „Назаві беларускую мову роднай у перапісе насельніцтва 2019” прайшлі ў Менску, Віцебску, Бабруйску. Наступная сустрэча пройдзе ў Берасці. У планах „Арт Сядзібы” „Беларускамоўныя ў Гомелі”.

20190717_19115720190717_19120220190717_19173220190717_19173920190717_19174720190717_19180420190717_19181620190717_19182720190717_19183820190717_19225320190717_19240520190717_19243320190717_19343720190717_19345120190717_19532720190717_20025720190717_20083620190717_20103120190717_20114120190717_201638

Беларускае Радыё Рацыя, Гародня

Чытай больш на: https://www.racyja.com/hramadstva/belaruskamounyya-u-garodni/

18.07.2019
Крыніца: Беларускае Радыё Рацыя

Відэа

праваабарончыя сайты