Навіны

Пра што будуць казаць у Лынтупах?

На гэтым тыдні ў Беларусі працуе місія кансультацыйнай службы МАГАТЭ па пытаннях уліку і кантролю ядравых матэрыялаў (ISSAS). Гэтая місія завершыць свой візіт 31 траўня.

Заяўлена, што эксперты місіі на чале з Уладзімірам Сізарам вывучаць арганізацыю сістэмы ўліку і кантролю ядравых матэрыялаў у Беларусі, прававыя аспекты гэтай працы, ліцэнзійныя патрабаванні ў галіне выкарыстання атамнай энергіі і крыніц іанізавальнага апраменьвання, арганізацыю нагляду.

Місія за гэты тыдзень павінна наведаць АЭС у Астраўцы, а таксама цэлы шэраг адпаведных дзяржаўных навуковых установаў у Менску.

Па інфармацыі МАГАТЭ, місія кансультацыйнай службы па дзяржаўных сістэмах уліку і кантролю ядравага матэрыялу (Safeguards Advisory Service Mission, ISSAS) ахоплівае ўсе аспекты гарантый, пытанні экспартнага кантролю, вядзення ўліку ядравага матэрыялу і прадстаўлення справаздачнасці пра яго.

Запыт на правядзенне місіі ISSAS у Беларусі быў накіраваны ў сакавіку 2018 года ад імя МНС Беларусі.

Візіт місіі МАГАТЭ асвятляецца ў медыях вельмі павярхоўна, інфармацыі досыць мала.

Тым часам з неафіцыйных крыніц стала вядома, што неўзабаве, 6 чэрвеня, у мясцовасці Лынтупы Пастаўскага раёну, што па суседстве з Астравецкім раёнам, адбудзецца інфармацыйны сход. Афіцыйна паведамляецца, што ў геалагічным радовішчы “Вінцэнтаўскае” плануецца распрацоўка і здабыча пяску і гравію. “Зялёныя” актывісты выказваюць трывогу, што такая распрацоўка істотна пагоршыць мясцовую экалогію.

Аднак выказваецца і версія, што пад Лынтупамі будзе стварацца ядравы могільнік, дзе будуць захоўвацца ядравыя адкіды з Астравецкай АЭС. Гэтая мясцовасць знаходзіцца вельмі блізка ад Нацыянальнага парку “Нарачанскі” і ад суседняй дзяржавы Літвы.

Дакладнай афіцыйнай інфармацыі пра тое, дзе будзе знаходзіцца могільнік для ядравых адкідаў Астравецкай АЭС дагэтуль няма.  

 

 

Архіў

Сьнежань 2019
1
2345678
9101112131415
16171819202122
23242526272829
3031

Відэа

праваабарончыя сайты